ढाका महाेत्सवकाे तान बुनाइ प्रतियाेगितामा तेह्रथुमकी शान्तिला विजयी

द नेप्लिज संवाददाता

९ चैत २०८१, शनिबार

विराटनगर– नेपाल उद्याेग वाणिज्य महासंघ काेशी महिला उद्यमी विकास समितिले विराटनगरकाे जैन भवनमा आयाेजना गरेकाे तीन दिने ढाका महाेत्सवमा तान बुनाइ प्रतियाेगिताकाे प्रथम पुरस्कार तेह्रथुमकी शान्तिला फुदुङले जितेकी छिन् ।

फक्तालुङ ढाका कपडा उद्याेगकी सञ्चालिका फुदुङले नगद ११ हजार र सम्मानपत्र प्राप्त गरिन् । झापाकाे एमएस ढाका सेन्टरकी सञ्चालिका कृष्णमाया लिम्बूले द्वितीय र सुनसरीकाे दिव्य ढाका उद्याेगकि सञ्चालिका धनकुमारी तामाङ्ले तृतीय पुरस्कार प्राप्त गरिन् । द्वितीय स्थान हासिल गर्ने लिम्बूले ७ हजार १ सय नगद र प्रमाणपत्र र तृतीय भएकी तामाङ्ले ५ हजार १ सय नगद र प्रमाणपत्र प्राप्त गरिन् ।

तान बुनाइ प्रतियाेगिता विजेताहरूलाई विराटनगर महानगर उपप्रमुख शिल्पा निराला कार्कीले नगद र प्रमाणपत्र हस्तान्तरण गरेकी हुन् । प्रथम पुरस्कारकाे प्रायाेजन जीफाेर कलेक्शन इटहरीकी गायत्री भण्डारी, द्वितीय पुरस्कारकाे उद्याेगी श्रवण अग्रबाल र तृतीयकाे उद्याेगी देवकीनन्दन अग्रबालले प्रायाेजन गरेकाे आयाेजकले जाजकारी गराए ।

प्रकाशित : ९ चैत २०८१, शनिबार 18:05