पहिलाे प्रदेश लगानी सम्मेलन सुरू

द नेप्लिज संवाददाता

१८ वैशाख २०८२, बिहीबार

विराटनगर- काेशी प्रदेश सरकारले आयाेजना गरेकाे दुई दिने पहिलाे प्रदेश लगानी सम्मेलन विराटनगरस्थित विरेन्द्रसभा गृहमा बिहीबार सुरू भएकाे छ । प्रधानमन्त्री केपी शर्मा ओलीले सम्मेलनकाे केहीवेरमा उद्घाटन गर्दै छन् ।

लगानी सम्मेलनका लागि १ खर्ब ७३ अर्ब ४९ कराेड लागतका ७१ वटा परियाेजना ´साेकेसिङ` गरिएकाे छ । लगानी सम्मेलनमा चीन, रूस, अमेरिका, दक्षिण काेरिया, भारत लगायतका देशका लगानीकर्ता र गैरआवासीय नेपालीहरूका साथै स्वदेशी उद्याेगी व्यवसायीहरूकाे सहभागिता रहेकाे प्रदेश लगानी प्राधिकरणका प्रमुख कार्यकारी निर्देशक डा. सराेज काेइरालाले बताएका छन् ।

सम्मेलनमा कृषि र पर्यटनमा काेशी प्रदेशकाे सम्भावना, अद्याैगिक उत्पादन र बजारीकरण, पूर्वाधार विकास र उर्जा, स्वास्थ्य सेवा र मेडिकल शिक्षामा लगानीका अवसर र सम्भावना विषयमा लगानीकर्ताहरूसँग छलफल हुने उनले बताएका हुन् । पहिलाे दिन बिहीबार लगानीमैत्री वातावरण र तीन तहका सरकारहरूबीचकाे अन्तरसम्बन्धनकाे बारेमा विज्ञ र जनप्रतिनिधिहरूबाट धारणा प्रस्तुत हुने कार्यक्रम तय गरिएकाे छ ।

प्रदेश सरकारले लगानीमैत्री वातावरण बनाउन ८ वटा ऐन अध्यादेशमार्फत संशाेधन गर्नुका साथै ६ बुंदे नीतिगत प्रतिबद्धतासमेत जनाएकाे छ ।

प्रकाशित : १८ वैशाख २०८२, बिहीबार 12:29