नसर्ने रोगको फागुनभर निःशुल्क परीक्षण

द नेप्लिज संवाददाता

३० माघ २०८१, बुधबार

विराटनगर– स्वास्थ्य तथा जनसंख्या मन्त्रालयले नसर्ने रोगको समयमै पहिचान र उपचारका लागि फागुन १ बाट एक महिने परीक्षण अभियान थाल्दैछ । निरोधात्मक विधिबाट रोगहरू विरुद्ध प्रतिकारात्मक अभियान चलाउने मन्त्रालयको भनाइ छ ।

मन्त्री पौडेलका अनुसार नागरिकको आधारभूत स्वास्थ्य परीक्षणसँगै सचेतनाका माध्यमबाट सकेसम्म रोग लाग्नै नदिने तथा लागिहालेमा बेलामै उपचारबाट नागरिकको स्वास्थ्य, नागरिक तथा राज्य दुवैको धनराशी जोगाउने प्रयत्न जारी छ ।

देशमा रहेको ३० वर्ष माथि समूहका एक करोड ४० लाख ९० हजार नागरिकलाई समेट्ने लक्ष्य स्वास्थ्य मन्त्रालयले राखेको छ । यो समूहका नागरिकको स्थानीय स्वास्थ्य संस्थाहरुमा मधुमेह, उच्च रक्तचाप, मिर्गौला सम्बन्धी रोग तथा शरीरको उचाइ र तौलको अनुपात पहिचान गर्ने मन्त्रालयले जनाएको छ । फागुनमा पाठेघरको मुखको क्यान्सरविरुद्ध समेत यस्तै स्क्रिनिङ अभियान सञ्चालन गर्ने तयारीमा मन्त्रालय लागेको छ ।

प्रकाशित : ३० माघ २०८१, बुधबार 14:56