अवैध आप्रवासीलाई अमेरिकाबाट निकाल्ने ‘मास्टरमाइन्ड’

२५ माघ २०८१, शुक्रबार

तस्बिर : फोर्ब्स

विराटनगर– ३९ वर्षीय स्टीफन मिलर । अमेरिकी सरकारमा कट्टर राष्ट्रवादी नीति राख्ने यीनको बारेमा धेरैलाई थाहा छैन । ट्रम्प प्रशासनका कडा कन्जरभेटिभ रिपब्लिकन । अमेरिकी राष्ट्रपति डोनाल्ड ट्रम्पको कठोर आप्रवास नीतिका ‘मास्टरमाइण्ड’ । ह्वाइट हाउसमा दबदबा राख्ने यीनी राष्ट्रिय सुरक्षा सल्लाहकार र नीतिगत मामिलाका उपनिर्देशक पनि हुन् ।

ट्रम्पले दोस्रो कार्यकालको दायित्व सम्हालेकै दिन हस्ताक्षर गरेको कार्यकारी आदेशका गुरुयोजनाकार मिलर नै हुन् । ‘जन्मसिद्ध नागरिकताको समापन र दक्षिणी सिमानामा राष्ट्रिय इमर्जेन्सी घोषणा गर्नु,’तीमध्येका एक हुन् । यीनी आफ्नो नीतिलाई लिएर सञ्चार माध्यमसँग भाग्दैनन् । उनले फक्स न्यूजसँग ती नीतिहरुलाई कार्यान्वयन गर्न राष्ट्रपति ट्रम्पको कमाण्ड एवं निर्देशन अनुरुप संघीय बलको पूरा शक्तिको प्रयोग गर्ने बताएका छन् ।

१९८५ मा क्यालिफोर्नियाको सान्टामोनिकामा एक यहुदी परिवारमा जन्मेका मिलर कन्जरभेटिभ व्यक्तित्व र मिडिया प्लेटफर्मसँग प्रभावित थिए । युवा उमेरदेखि उनले राजनीतिमा रुची राख्न सुरु गरेका थिए ।

आफ्नो विद्यालयमा राष्ट्रप्रेमको आलोचना गर्दै १६ वर्षको उमेरमा मिलर एक स्थानीय अखबारमा पाठक–पत्र लेखेका थिए । उनले आफूलाई कन्जरभेटिभ एक्टिभिस्टको रुपमा प्रस्तुत गर्दै ल्याटिन मूलका छात्रले कक्षामा केवल अंग्रेजी बोल्नु पर्ने धारणा राखे । उनको राजनीतिक प्रशिक्षण ड्युक युभिभर्सिटीमा भयो । सन २००७ मा उनले यहाँबाट राजनीतिक विज्ञानमा ग्रयाजुएट गरे ।

कलेजमा एक खेलाडी समूहमाथि बलात्कारको आरोप लाग्दा उनी खुलेर बचाउमा अघि सरेका थिए । ती खेलाडीहरु अन्तत: निर्दोष साबित भए । उनी यो प्रकरणबाट मिडियाको आँखामा परे । उनले यतिबेलै आफूलाई गोरा बर्चस्ववादी रिचार्ड स्पेन्सर जस्ता विवादित व्यक्तित्वसँग आफूलाई जोड्न सुरु गरे । स्पेन्सरसँगको सम्बन्ध बारे पछि उनले अस्वीकारेका थिए ।

ग्रेजुएट भए पछि उनले कांग्रेसमा रिपब्लिकन सदस्यहरुको सञ्चार सल्लाहकारको हैसियतमा काम गरे । उनले २००७ मा आप्रवासी मुद्दामा कडा दृष्टिकोण राख्ने तत्कालीन सिनेटर जेफ सेशंसको संगत गरे । उनकै मातहतमा रहेर २०१३ मा उनले आप्रवासन सुधार विधेयकको विरोधमा मुख्य भूमिका निर्वाह गरे । खुला सिमा नीतिको एक विरोधीको रुपमा छविलाई मजबूत गरे ।

२०१६ मा उनी नीतिगत सल्लाहकार र भाषण लेखकको रुपमा डोनाल्ड ट्रम्पको राष्ट्रपति चुनाव प्रचारका अंग बने । ट्रम्पको राष्ट्रवादी एवं आप्रवासी विरोधी स्वरको श्रेय मिलरलाई दिइन्छ । मुस्लिम बहुल देश माथि आप्रवासन प्रतिबन्ध र अनियमित प्रवासीका परिवारलाई अलग गर्ने सम्बन्धमा ट्रम्पको २०१७ को सपथ ग्रहण भाषणलाई उदाहरण मान्न सकिन्छ । ट्रम्पको दृष्टिकोणको व्याख्या र विस्तारमा भूमिकाकै कारणले उनले ट्रम्पको पहिलो सरकार २०१७ देखि २०२१ सम्म महत्वपूर्ण व्यक्तित्वको रुपमा आफूलाई स्थापित गरे ।

यस पछि मिलरलाई आप्रवासी सम्बन्धि कडा दृष्टिकोण र भयंकर विवादस्पद विचारलाई ठोस नीतिमा परिवर्तन गर्ने क्षमताका लागि चिनिन थालियो । यस रिपब्लिकन सल्लाहकारले गोपनीयताका साथ काम गर्ने एवं आन्तरिक विरोधबाट बच्ने रणनीतिमा महारत हासिल गरेको हुनाले ट्रम्पको सबैभन्दा कडा निर्णयभन्दा केहीलाई लागू गर्नमा मद्दत गरेको न्यूयोर्क टाइम्सले जनाएको छ ।