नयाँ शक्तिको अध्यक्षमा फेरि बाबुराम

विराटनगर–  नेपाल समाजवादी पार्टी (नयाँ शक्ति) को अध्यक्षमा डा.बाबुराम भट्टराई निर्वाचित भएका छन् । उनले अध्यक्षका प्रत्याशी युवा नेता नेत्र चापागाईंलाई पराजित गरेका हुन् ।  पार्टीकी नवनिर्वाचित उपाध्यक्ष मानुषी यमि भट्टराईले अध्यक्षमा बाबुराम निर्वाचित भएको जानकारी दिइन् ।
 
प्रज्ञा भवनमा आइतबारदेखि नयाँ शक्तिको महाधिवेशन सुरु भएर नेतृत्व चयनका लागि निर्वाचन भएको थियो । यसअघि महाधिवेशनको बन्दसत्रबाट भट्टराईले पेस गरेको राजनीति तथा सांगठनिक प्रतिवेदन अनुमोदन भएको थियो । नयाँ शक्तिले पार्टीका सबै पदाधिकारी निर्वाचनमार्फत चुनिनुपर्ने व्यवस्था छ । नयाँ शक्तिले ११ सदस्यीय पदाधिकारी ९९ सदस्यीय केन्द्रीय समिति चयन गरेको छ।