नेपाल दक्षिण एसियाको सबैभन्दा खुसी देश, फिनल्यान्ड विश्वकै शीर्ष स्थानमा

७ चैत २०८१, बिहीबार

काठमाडौं – वर्ल्ड ह्याप्पिनेस रिपोर्ट २०२५ का अनुसार नेपाल दक्षिण एसियाको सबैभन्दा खुसी देशको रूपमा सूचीकृत भएको छ। नेपालले विश्वभर ९२औँ स्थान हासिल गर्दै छिमेकी देशहरू भारत, पाकिस्तान, श्रीलंका, र बंगलादेशलाई पछि पारेको छ।

नेपाल दक्षिण एसियामा सबैभन्दा अगाडि रहँदा पाकिस्तान १०९औँ, भारत ११८औँ, श्रीलंका १३३औँ, र बंगलादेश १३४औँ स्थानमा रहेको उक्त रिपोर्टमा उल्लेख छ ।

ग्लोबल स्तरमा फिनल्यान्ड लगातार आठौँ पटक सबैभन्दा खुसी देशको रूपमा शीर्ष स्थानमा छ। यसैगरी डेनमार्क दोस्रो, आइसल्यान्ड तेस्रो, स्वीडेन चौथो, नेदरल्याण्डस् पाँचौँ स्थानमा छन्। अन्य शीर्ष १० देशहरू निम्नानुसार छन् :

✅ १. फिनल्यान्ड
✅ २. डेनमार्क
✅ ३. आइसल्यान्ड
✅ ४. स्वीडेन
✅ ५. नेदरल्याण्डस्
✅ ६. कोस्टारिका
✅ ७. नोर्वे
✅ ८. इजरायल
✅ ९. लग्जम्बर्ग
✅ १०. मेक्सिको

रिपोर्टका अनुसार खुसी देशको मापन जीवन मूल्यांकन, सकारात्मक सोच, नकारात्मक भावना, व्यक्तिगत स्वतन्त्रता, सामाजिक समर्थन, आर्थिक स्थिरता, र जीवन प्रत्याशा जस्ता सूचकहरूका आधारमा गरिएको हो। नेपालले दक्षिण एसियामा खुसी सूचकांकमा अग्रस्थान हासिल गर्न सफल भए पनि, विज्ञहरू युवाहरूको अवसरहरूको कमी, रोजगारी अभाव, र वृद्धवृद्धाहरूको एक्लोपन जस्ता मुद्दाहरूलाई अझै समाधान गर्नुपर्ने आवश्यकता औंल्याउँछन्।

प्रकाशित : ७ चैत २०८१, बिहीबार 20:27