अमेरिकाले कटौती गरेको ठूलो आर्थिक सहयोगले नेपाल प्रभावित हुने

द नेप्लिज संवाददाता

४ फागुन २०८१, आइतबार

विराटनगर- अमेरिकाले संघीयता र लैंगिक समानतामा ठूलो आर्थिक सहयोग रद्द गरे पछि नेपाललाई सोझै असर पर्ने भएको छ ।

अमेरिकी सरकारले उक्त सूचीमा छुट्याएको दुई करोड डलरको सहयोग तत्काल प्रभावी हुनेगरी कटौती गरेको छ ।

इलन मस्कको अगुवाइमा राष्ट्रपति डोनाल्ड ट्रम्पद्वारा गठिलो ‘डिपार्टमेन्ट अफ गभर्न्मेन्ट इफिसियन्सी’ले यस बारेमा प्रष्ट पार्दै अमेरिकी करदाताबाट प्राप्त उक्त रकम तत्काल लागू हुने गरी रद्द गरिएको भनेको छ ।

'आर्थिक सहायता’का लागि छुट्याइएको दुई करोड डलर, जैविक विविधता र बायोडाइभर्सिटीका लागि छुट्याइएको एक करोड ९० लाख डलर, लैंगिक समानतासँगै अपांगता र जातीय समूहहरूका नाममा छुट्याइएको २७ लाख डलरको सहयोग पनि रद्द भएको छ।

संघीयता टिकाउने यी सहयोग कटौती हुनु नेपाली राजनीतिक दलहरूका लागि यो दुखद खबर हो । अमेरिकाको यो निर्णयले युरोपेली र वर्ल्ड बैंक जस्ता संस्थाहरूको सहयोग पनि प्रभावित हुने संभावना छ।

प्रकाशित : ४ फागुन २०८१, आइतबार 10:35