आज चैती छठ

अस्ताउँदो सूर्यलाई अर्घ दिइयो

द नेप्लिज संवाददाता

२१ चैत २०८१, बिहीबार

मधेसमा वर्षको दुई पटक छठ मनाइन्छ । कात्तिक शुक्लपक्ष चौथीदेखि सप्तमीसम्म मनाइने छठलाई शारदीय भनिन्छ । चैत शुक्ल चौथीदेखि सप्तमीसम्म मनाइने छठलाई वासन्ती वा चैती छठ भनिन्छ ।

विराटनगर– चैती छठको मुख्य दिन बिहीबार साँझ अस्ताउँदो सूर्यलाई अर्घ दिइएको छ । यो विधिलाई मधेशमा ‘सँझका अरख’ वा ‘सँझियाघाट’ भन्ने गरिन्छ । तराईका जिल्लाहरूमा यो वासन्ती छठ पर्वको अदभुत उल्लास हुन्छ ।
मंगलबारदेखि सुरु भएको यो महापर्वको तेश्रो दिन आज नदी, खोला र पोखरी किनारमा भक्तजन तथा श्रद्धालुहरुले एक साथ सूर्यको आराधणा गरे ।

कात्तिकमा मनाइने छठ पर्वजतिको संख्यामा सहभागिता नभए पनि चैती छठ मान्नेहरु बर्सेनि बढिरहेका छन् । शुक्रबार उदाउँदै गरेको सूर्यलाई अघ्र्य दिएपछि छठको समापन हुनेछ । चार दिनसम्म मनाइने छठ पूजाको पहिलो दिन मंगलबार मुख्य ब्रतालुले नुहाएर चोखो भोजन ग्रहण गरे । दोस्रो दिन बुधबार साँझ घरको बन्द कोठामा मुख्य ब्रतालुले खरना पूजा गरेका थिए ।

खरनामा ब्रतालुहरुले निराहार उपवास बसी साँझपख खष्ठीदेवीलाई प्रसाद चढाइ खान्छन् । प्रसादमा खीर, केरा, दुधसँगै विभिन्न प्रकारका फलफूल चढाइन्छ ।

श्रद्धा, निष्ठा र समर्पणको यो महापर्वमा घाटहरू झकिझकाउ देखिन्छ । मधेसमा वर्षको दुई पटक छठ मनाइन्छ । कात्तिक शुक्लपक्ष चौथीदेखि सप्तमीसम्म मनाइने छठलाई शारदीय भनिन्छ । चैत शुक्ल चौथीदेखि सप्तमीसम्म मनाइने छठलाई वासन्ती वा चैती छठ भनिन्छ ।

दुवैै छठमा सूर्यदेव र षष्ठीदेवी (बोलीचालीमा छठीदेवी) को उपासना गरिन्छ । दुवै छठका व्रतविधान समान छन् । यो व्रतको प्रभावले मनोकांक्षा पूरा हुने आस्था छ । यो पर्वलाई लोकआस्थाको महापर्व पनि भनिन्छ ।

प्रकाशित : २१ चैत २०८१, बिहीबार 18:31