पोल्याण्डको नाम बेच्ने दुई ठग पक्राउ

द नेप्लिज संवाददाता

१९ फागुन २०८१, सोमबार

विराटनगर– आकर्षक तलब पाउने गरी पोल्याण्ड पठाइदिने प्रलोभन देखाएर रकम ठगी गरेको आरोपमा २ जनालाई प्रहरीले पक्राउ गरेको छ । प्रहरीका अनुसार पक्राउ पर्नेहरूमा ललितपुर–२७ सुनाकोठी बस्ने मोरङ उर्लाबारी–५ पथरीका ४६ वर्षीया भूमिका देवान र काठमाडौं महानगरपालिका–१४ बस्ने बाँके डुडुवा–५ कमदीका ५२ वर्षीय पशुपती खत्री छन् ।

पोल्याण्ड पठाइदिने भनेर भूमिकाले ३ पीडितहरूबाट ११ लाख रूपैयाँ र पशुपतीले १ पीडितबाट २ लाख २३ हजार रूपैयाँ लिइ सम्पर्कबिहीन भएको उजुरीको आधारमा प्रहरीले खोजी गरेको थियो ।
काठमाडौं उपत्यका अपराध अनुसन्धान कार्यालयको प्रहरी टोलीले भूमिकालाई ललितपुर सुनाकोठीबाट आइतबार र पशुपतीलाई काठमाडौं सतुंगलबाट शनिबार पक्राउ गरेको हो । उनीहरूलाई थप अनुसन्धान तथा आवश्यक कारवाहीको लागि वैदेशिक रोजगार ं पठाइएको प्रहरीले जनाएको छ ।

प्रकाशित : १९ फागुन २०८१, सोमबार 13:45