अमेरिकाको बाढीमा ९ जनाको मृत्यु

द नेप्लिज संवाददाता

५ फागुन २०८१, सोमबार

विराटनगर (एजेन्सी)– मुसलधारे वर्षाले दक्षिणपूर्वी अमेरिकाका केही भाग डुबानमा पर्दा यो साता कम्तिमा ९ जनाको मृत्यु भएको छ ।

आफ्नो राज्यमा आठ जनाको मृत्युको र यो संख्या बढ्न सक्ने केन्टकीका गभर्नर एन्डी बेशियरले बताए । उनले स्थानीयलाई घरबाट बाहिर ननिस्कन सुझाव दिएका छन् । उनले ह्वाइट हाउसलाई आपतकालीन प्रकोप घोषणा गर्दै संघीय कोषको अनुरोध गर्न पत्र लेखेको बताए ।

राष्ट्रपति डोनाल्ड ट्रम्पले संघीय आपतकालीन व्यवस्थापन एजेन्सी (फेमा) लाई अधिकार दिंदै उनको घोषणालाई अनुमोदन गरेका छन् । बाढीको खराब अवस्था अझै समाप्त नभएको भन्दै अधिकारीहरुले चेतावनी दिएका छन् । ‘नदीहरु अझै बढ्दै छन्,’ आपातकालीन व्यवस्थापनको केन्टकी डिभिजनका निर्देशक एरिक गिब्सनले भने ।

प्रकाशित : ५ फागुन २०८१, सोमबार 14:57