वनिता विशेष वसुश्री–मधु पुरस्कारबाट नवोदित पुरस्कृत हुँदै

द नेप्लिज संवाददाता

१४ चैत २०८१, बिहीबार

विराटनगर– वनिता साहित्यिक पत्रिकाले यस वर्षको ‘वनिता विशेष वसुश्री–मधु पुरस्कार’ कवि एवं पत्रकार मीनकुमार नवोदितलाई प्रदान गर्ने भएको छ । पत्रिका सञ्चालक समितिको बैठकले नवोदितलाई पुरस्कृत गर्ने निर्णय गरेको हो ।

युवा वर्ष मोती पुरस्कारलगायत विभिन्न पुरस्कारबाट पुरस्कृत नवोदितका तीनवटा कवितासंग्रह प्रकाशित छन् । आउँदो वैशाख ५ गते काठमाडौंमा आयोजित विशेष समारोहका बीच नवोदितलाई पुरस्कृत गर्ने विज्ञप्तिमार्फत वनिता पत्रिकाले जनाएको छ ।

प्रकाशित : १४ चैत २०८१, बिहीबार 20:55