नोरा फतेही आज काठमाडौँमा नाच्ने

द नेप्लिज संवाददाता

३ जेठ २०८२, शनिबार

विराटनगर– बलिउडकी चर्चित डान्सर तथा अभिनेत्री नोरा फतेही आज (शनिबार) बिहान दुबईबाट काठमाडौँ आइपुगेकी छन्। उनी आज साँझ बौद्धस्थित हायात मैदानमा आयोजना हुने ‘नोरा फतेही लाइभ इन नेपाल’ कार्यक्रममा आफ्नो प्रस्तुति दिनेछिन्।

आयोजकका अनुसार नोराको २३ सदस्यीय प्राविधिक तथा व्यवस्थापन टोली शुक्रबार अपराह्न नै काठमाडौँ आइसकेको छ। कार्यक्रमका लागि आवश्यक तयारीहरू अन्तिम चरणमा पुगेको बताइएको छ।

नोरा फतेहीको आगमनसँगै उनका नेपाली फ्यानहरूमा व्यापक उत्साह देखिएको छ। विशेषगरी टिकटक र इन्स्टाग्रामजस्ता सामाजिक सञ्जालमा ‘नोरा इन नेपाल’ ट्रेन्डिङमा छ। आयोजकहरूले दर्शक व्यवस्थापनदेखि सुरक्षासम्ममा विशेष सतर्कता अपनाएको बताएका छन्।

आज साँझको कार्यक्रममा नोराले आफ्ना चर्चित बलिउड गीतहरूमा ‘सिग्नेचर डान्स मुभ्स’ प्रस्तुत गर्ने अपेक्षा गरिएको छ। कार्यक्रममा हजारौँ दर्शकको सहभागिता रहने अनुमान गरिएको छ।

सांस्कृतिक कार्यक्रमको विस्तार
अन्तर्राष्ट्रिय कलाकारहरूको नेपालमा प्रस्तुति दिनु पछिल्लो समय सामान्यजस्तै बन्दै गएको छ। यसले नेपाली दर्शकहरूको स्वाद अन्तर्राष्ट्रिय हुँदै गएको संकेत गर्छ। यसअघि पनि ‘नेहा कक्कड़ लाइभ’, ‘अरिजीत सिंह शो’, ‘एपी ढिल्लो कन्सर्ट’ जस्ता कार्यक्रमहरूले व्यापक चर्चा कमाएका थिए। नोरा फतेहीको प्रस्तुति त्यसै सन्दर्भको निरन्तरता हो।

#नोरा #फतेही

प्रकाशित : ३ जेठ २०८२, शनिबार 11:50