इन्फर्मेटिक्स कन्सल्टेन्सीको सेवा अब विराटनगरमा

द नेप्लिज संवाददाता

१५ चैत २०८१, शुक्रबार

विराटनगर– युवाहरुको एक समूहले इन्फर्मेटिक्स कन्सल्टेन्सीको सेवा विराटनगरमा भित्र्याएको छ । कन्सल्टेन्सीले अन्तर्राष्ट्रिय स्तरका ख्याति प्राप्त विश्वविद्यालयहरुमा अध्ययन गर्न जाने विद्यार्थीहरुलाई विगत ३० वर्षदेखि शैक्षिक परामर्श सेवा प्रदान गर्दै आएको हो ।

इन्फर्मेटिक्स कन्सल्टेन्सी प्रालि विराटनगरका प्रबन्ध निर्देशक सबिन दाहालले शुक्रबारदेखि इन्फर्मेटिक्स कन्सल्टेन्सी काठमाडौंका प्रबन्ध निर्देशक ज्ञानेन्द्रमान जोशी, पत्रकार महासंघ मोरङकी अध्यक्ष शुशिला पाठकलगायतको उपस्थिति विराटनगरस्थित संसारीमाई मन्दिर अगाडीको भवनमा औपचारिक रुपमा परामर्श सेवा सुरु भएको बताएका छन् । उनले शैक्षिक परामर्श सेवासँगै विभिन्न भाषको समेत प्रशिक्षण सञ्चालन गरेको बताएका हुन् ।

‘यस क्षेत्रका विदेश पढ्न जाने इच्छुक विद्यार्थीहरुलाई शैक्षिक परामर्श सेवा प्राप्त गर्न अब काठमाडौं धाउनु पर्ने बाध्यात्मक अवस्थाको अन्त्य भएको छ,’ उनले भने, ‘अब विराटनगरमा नै हामीले संसारको जुनसुकै देशमा अध्ययनका लागि जान चााहने विद्यार्थीका लागि उचित शैक्षिक परामर्शका साथै भाषा प्रशिक्षण सेवा सुर गरेका छौं ।’ इन्फर्मेटिक्स विराटनगरका निर्देशकमा कृतिसा काफ्ले र सन्तोष दाहाल रहेको उनले बताए ।

प्रकाशित : १५ चैत २०८१, शुक्रबार 14:23