Advertisement
विराटनगर- सप्तरीमा ड्युटीको बेला प्रहरी कर्मचारीले मोबाइल चलाउन नपाउने भएका छन् ।
जिल्ला प्रहरी कार्यालयले ड्युटी गरिरहेका बखत कमान्डरबाहेक अन्य प्रहरीले मोबाइल चलाउन नपाइने आचार संहिता बनाएको छ । कमान्डरले पनि अत्यावश्यक परेको खण्डमा मात्र ड्युटीकै कामका लागि मोबाइल प्रयोग गर्न पाउँछन् ।
ड्युटीमा प्रहरीले मोबाइल चलाउदा सुरक्षा निगरानी प्रभावकारी हुन नसकेको, दैनिक कामको गुणस्तर खस्कने गरेको र मोबाइलतर्फ ध्यान हुँदा प्रहरी आफै पनि असुरक्षित हुन सक्ने भएकाले सावधानीका लागि रोक लगाएको सप्तरीका एसपी ढकेन्द्र खतिवडाले बताए ।
यो नियमलाई सप्तरी प्रहरी कार्यालयले कडाइका साथ कार्यान्वयन गरेको छ । प्रहरीले छुट्टै टोली पठाएर पनि ड्युटीमा तैनाथ प्रहरीसँग मोबाइल छ/छैन भनेर चेक गर्छ ।
ड्युटीमा पनि प्रहरीहरु मोबाइलमा लामो समय गफिदै बस्ने, नागरिकका समस्या ध्यानले नसुन्ने र फेसबुक, टिकटक लगायत सामाजिक सञ्जालमा व्यस्त रहने जनगुनासोपछि ड्युटीका बेला मोबाइल प्रयोगमा रोक लगाइएको एसपी खतिवडाले बताए ।
भारतको दिल्ली प्रहरीले पनि यो नियम लागू गरेको छ । जिम्बाम्बे लगायत विश्वका धेरै देशका सरकारले प्रहरीलाई संभावित घातक सुरक्षा जोखिमबाट जोगाउन ड्युटीमा मोबाइलको प्रयोगमा बन्देज लगाएको छ ।
समाचार
सिराहामा युवतीको मृत्यु प्रकरण छानबिनका लागि समिति
द नेप्लिज संवाददाता
शिक्षकहरूको आन्दोलनले सडक अवरुद्ध, यातायात महासंघद्वारा गृहमन्त्रीको ध्यानाकर्षण
द नेप्लिज संवाददाता
परराष्ट्रमन्त्री राणाको तातोपानी नाका भ्रमणले कूटनीतिक संकेत !
द नेप्लिज संवाददाता
राप्रपाका केही नेताको पद धरापमा
द नेप्लिज संवाददाता
केही स्थानमा वर्षा र हिमपातको सम्भावना
द नेप्लिज संवाददाता
कम्पनी दर्ता नं.- ३५२९५२/८१/८२Darbar Media Network Pvt.
Biratnagar-5, Munalpath
+977-9852834483, 984282083
thenepalese1@gmail.com
Copyright © 2024 -2025. The Nepalese. All Rights Reserved
Shares