अष्ट्रेलिया र अमेरिका जाँदै नेपाली विद्यार्थी

द नेप्लिज संवाददाता

५ फागुन २०८१, सोमबार

विराटनगर– उच्च शिक्षा अध्ययनका लागि बर्सेनि बाहिरिने विद्यार्थीेको संख्या बढ्दै छ । उच्च शिक्षा अध्ययनका लागि एक दशकमा ६ लाख ३९ हजार १ सय ४८ जनाले वैदेशिक अध्ययन अनुमति पत्र (एनओसी) प्राप्त गरेका छन् । अष्ट्रेलियाका लागि धेरैले एनओसी लिएका छन् ।

शिक्षा, विज्ञान तथा प्रविधि मन्त्रालयको एनओसी शाखाका अनुसार चालु आर्थिक वर्षको माघ सम्म ५५ हजार विद्यार्थीले एनओसी लिएका छन् । केही वर्षयता एनओसी लिने विद्यार्थीको संख्यामा कमी नआएको शाखाको तथ्यांकबाट प्रष्टिन्छ ।

शाखाले गत आर्थिक वर्ष २०८०÷८१ मा १ लाख १२ हजार ९ सय ६८ एनओसी दिएको थियो । एनओसी लिनेमा अष्ट्रेलिया पछि दोस्रोमा जापान, तेस्रोमा यूके, चौथोमा क्यानडा, पाँचौँमा अमेरिका, छैटौंमा कोरिया र सातौंमा भारतका लागि छन् । एनओसी लिनेमध्ये कति विद्यार्थी विदेशीय बारेमा यकिन तथ्यांक सरकारसँग छैन । एउटै विद्यार्थीले एकभन्दा बढी एनओसी लिएका हुन्छन् ।

प्रकाशित : ५ फागुन २०८१, सोमबार 12:02