स्रोत नखुलेको करिब ५८ लाख रुपैयाँ सहित ३ पक्राउ

द नेप्लिज संवाददाता

५ फागुन २०८१, सोमबार

विराटनगर– धनुषाको जनकपुरधाम–८ बाट आइतबार दिउँसो स्रोत नखुलेको ५७ लाख ८४ हजार ६ सय ३५ रूपैयाँ, ३ मोबाइल र १ ल्यापटप सहित ३ जनालाई आइतबार दिउँसो प्रहरीले पक्राउ गरेको छ ।

केन्द्रीय प्रहरीका अनुसार पक्राउ पर्नेहरुमा सिराहा कर्जन्हा–९ का ३९ वर्षीय भुवनेश्वर राउत, भारत बिहार राज्य सितामढी थाना परिहार ग्राम पञ्चायत बराहीका ४२ वर्षीय जामुन नायक र जनकपुरधाम–८ का २६ वर्षीय जेनिस साह छन् । साह चाहिँ स्थानीय न्यू अनुष्का मनी ट्रान्सफर ट्रेडर्सका कर्मचारी पनि हुन् ।

मधेश प्रदेश प्रहरी कार्यालय र जिल्ला प्रहरी कार्यालयबाट खटिएको टोलीले भुवनेश्वर र जामुनलाई नगद १० लाख रूपैयाँ, २ मोबाइल तथा जेनिसलाई ४७ लाख ८४ हजार ६ सय ३५ रूपैयाँ, १ मोबाइल र १ ल्यापटप सहित पक्राउ गरेको हो ।

प्रकाशित : ५ फागुन २०८१, सोमबार 13:12