विद्यार्थीको सिकाइ सुधार्न शिक्षादिपमा नगद पुरस्कार

द नेप्लिज संवाददाता

१३ फागुन २०८१, मङ्गलबार

विराटनगर– शिक्षादीप कलेज विराटनगरले विद्यार्थीलाई पढाइमा केन्द्रित गर्न तथा कक्षाकोठामा सिकाइ सुधार्न नगद पुरस्कारको व्यवस्था गरेको छ । कलेजले त्रैमासिक परीक्षामा उत्कृष्ट हुने विद्यार्थीलाई मंगलबार नगदसहित सम्मान गरेको छ ।

कलेजमा कक्षा ११ र १२ मा अध्ययनरत विद्यार्थीहरुमध्ये उत्कृष्ट अंक ल्याउने छात्र–छात्राहरुलाई नगद पुरस्कार सहित ससम्मान गरेको कलेजका व्यवस्थापन संकायका को–अर्डिनेटर शंकर भट्टराईले बताएका छन् । उनका अनुसार व्यवस्थापन संकाय कक्षा ११ र १२ का गरी २० जना र विज्ञान संकायको कक्षा ११ र १२ का गरी ५७ जना विद्यार्थीलाई नगद पुरस्कार प्रदान गरिएको बताएका हुन् ।

कलेजका विद्यार्थीले एमसिक्यु, विराटनगर महानगरपालिकाले आयोजना गरेको विज्ञान पर्दशनमा दोस्रो हिसान खेलमा पदक विजेता खेलाडिहरुआन्तरिक हाजिरिजवाफ, रोवोटीक्स एस्ट्रोनोमी एभिएसन र आइटी वर्कसपमा सहभागि विद्यार्थीहरुलाई विशेष सम्मान गरिएको कलेजका निर्देशक भुपेन्द्र दाहालले बताए ।

सम्मानित र पुरस्कृत हुने सबै विद्यार्थीलाई कलेजका प्रिन्सिपल ज्ञानबहादुर खडका, कलेजका प्रमुख निर्देश शैलेन्द्र शिवाकोटी, कलेजका निर्देश डा. विमल श्रीवास्तव, निर्देशक रामचन्द्र अधिकारी र विज्ञान संकायका को–अर्डिनेटर नविन रायले कलेजमा गरेको अध्ययनमा उत्कृष्टता थपेसँगै पुरस्कार पनि थपिदै जाने भन्दै अध्ययनप्रति विद्यार्थीहरुलाई प्रोत्साहन गरेका थिए ।

प्रिन्सिपल खड्काले विद्यार्थीहरुलाई पढाइमा लगनशिलता अभिवृधिका लागि कलेजमा पुरस्कारको सुरुवात गरेको बताएका छन् । ‘विद्यार्थीहरुबीच पढाइमा प्रतिस्पद्र्धा गराउनका लागि नगद पुरस्कार र प्रमाण पत्र प्रदान गर्ने कार्यक्रम सुरु गरेका छौं,’ उनले भने, ‘शिक्षादिपले विद्यार्थीको अभिभावकसँग शुल्क लिएपछि विद्यार्थीको सिकाइ स्तरमा पनि वृद्धि गराउनै सृजित दायित्व पूरा गर्न यो कार्यक्रम ल्याएको छ ।’ यसले कलेजका विद्यार्थीह बीचमा अध्ययनका लागि प्रतिस्पद्र्धात्मक वातावरण निर्माण भई गुणस्तरीय शैक्षिक महोल तयार गर्ने कलेजको लक्ष्य रहेको उनले बताए ।

प्रकाशित : १३ फागुन २०८१, मङ्गलबार 18:03