आठौं विष्णु माझी मेमोरियल अन्तर स्कुल क्रिकेट विजेता सरस्वती स्कूल

द नेप्लिज संवाददाता

१३ फागुन २०८१, मङ्गलबार

विराटनगर– जहदा क्रिकेट क्लवको आयोजनामा विराटनगरको मेरिवोन क्रिकेट मैदानमा भएको आठौं विष्णु माझी मेमोरियल अन्तर स्कुल क्रिकेट प्रतियोगिताको मंगलबार सम्पन्न फाइन खेलमा सरस्वती स्कुलले उपाधि जितेको छ ।

सरस्वती स्कुलले अर्किड स्कुललाई ७ विकेटले पराजित गर्दै उपाधि उचालेको हो । टस जितेर ब्याटिङ गरेको अर्किडले निर्धारित २० ओभरको खेलमा १८ दशमलव १ बलमा सवै विकेट गुमाई ९५ रन बनाएको थियो । अर्किडका लागि अभय कामतले सर्वाधिक ५१ रनको योगदान दिए । सरस्वतीका सुरज मण्डलले ४ विकेट लिँदा निरज यादवले ३ विकेट लिए ।

९६ रनको लक्ष्य पछ्याएको सरस्वतीले १५ दशमलव ३ बलमा ३ विकेट गुमाई सो विजयी लक्ष्य प्राप्त गर्दै उपाधि उचाल्न सफल भएको हो । सरस्वतीका दिगम्वर यादवले ३१ रन बनाउँदा प्लेयर अफ द फाइनल क्रितिषा धामीले २२ रनको योगदान दिए । अर्किडका सुरज यादवले २ विकेट लिए । सरस्वती स्कुलबाट क्रितिषा धामी एक जना छात्रा खेलाडीले छात्रसँगै क्रिकेट खेल्ने मोरङ क्रिकेटको इतिहासमा प्िहलो खेलाडी भइन् ।

प्रतियोगिताको प्लेयर अफ द सिरिज सरस्वतीका विकाश कामत घाषित भए । त्यस्तै उत्कृष्ट ब्याटर सरस्वतीका प्रशान्त यादव र उत्कुष्ट बलर अर्किडका प्रेम कामत भए । विजयी तथा अन्य खेलाडिलाई हिसान मोरङका पूर्वअध्यक्ष राजेश कार्की, क्रिकेट एम्पायर सिरिस उपाध्याय र भास्कर अर्यालले पुरस्कार तथा ट्रफि वितरण गरे ।

प्रकाशित : १३ फागुन २०८१, मङ्गलबार 16:32