भ्रष्टाचारको गन्धले निर्माण रोकिएको काठमाडौँ भ्यू–टावर

द नेप्लिज संवाददाता

२७ चैत २०८१, बुधबार

विराटनगर– काठमाडौँको पुरानो बसपार्कमा निर्माणाधीन भ्यू–टावरको १३ तला निर्माण भइसकेको भए पनि अब परियोजनाको भविष्य अनिश्चित बनेको छ ।

काठमाडौँ महानगर प्रमुख बालेन शाहले उक्त टावर निर्माणमा भ्रष्टाचार भएको आरोप लगाउँदै सरकारको संलग्नता रहेको आशंका व्यक्त गरेका छन् । उन टावर भत्काउने तयारी भइरहेको अनौपचारिक सूचनाहरु बाहिरिए पनि महानगरपालिका कार्यालयले यस बारेमा आधिकारिक रुपले केही बोलेको छैन ।

मुलुकमा राजनीतिक तहबाट भ्रष्टाचार उत्कर्षमा पुगेको बेला २०७१ मा सार्वजनिक–निजी साझेदारी अन्तर्गत सम्झौता भइ २०७५ फागुनभित्र निर्माण सम्पन्न गर्ने लक्ष्य राखिएको थियो । १० वर्ष बितिसक्दा पनि निर्माण पुरा हुन सकेको छैन ।

ठेकेदार कम्पनी जलेश्वर स्वच्छन्द बिकोई बिल्डर्स प्रालिले १२ औँ तलासम्मको काम सम्पन्न गरेपछि बाँकी तला थप्ने योजना स्थगित गरेको छ । अहिले यो भवन कवाडखाना जस्तो देखिएको छ ।

२३ रोपनी पाँच आना क्षेत्रफलमा फैलिएको उक्त टावरमा पार्किङ, सिनेमा हल, थिएटर, रेस्टुरेन्ट, बैंक लगायतका सुविधाहरू समावेश गर्ने योजना थियो । तर हालसम्म यी सुविधाहरू सञ्चालनमा आउन सकेका छैनन् जसले गर्दा परियोजनाको भविष्य अनिश्चित देखिन्छ ।

प्रकाशित : २७ चैत २०८१, बुधबार 16:42