पहाडी क्षेत्रमा हल्का वर्षा र हिमपातको सम्भावना

३१ चैत २०८१, आइतबार

काठमाडौँ– आज आइतबार देशभर आंशिकदेखि सामान्य बदली रहने मौसम पूर्वानुमान महाशाखाले जनाएको छ । विशेषगरी कोशी र गण्डकी प्रदेशका पहाडी तथा उच्च हिमाली भूभागमा मेघगर्जन र चट्याङसहित हल्का वर्षा तथा हिमपातको सम्भावना छ ।

महाशाखाका अनुसार देशको पहाडी भूभागमा आंशिकदेखि सामान्य बदली रहनेछ भने बाँकी भूभागमा आंशिक बदली रहनेछ । कोशी र गण्डकी प्रदेशका उच्च पहाडी तथा हिमाली भूभागमा एक–दुई स्थानमा हल्का वर्षा वा हिमपातको सम्भावना देखाइएको छ।

पहाडी तथा हिमाली क्षेत्रका बासिन्दाहरूले वर्षा र हिमपातका सम्भावित प्रभावहरूबाट सतर्क रहन, यात्रा गर्दा मौसमको अवस्था अनुसार योजना बनाउन र चट्याङबाट बच्न सुरक्षित स्थानमा बस्न महाशाखाको सुझाव छ । अधिक जानकारीका लागि मौसम पूर्वानुमान महाशाखाको आधिकारिक वेबसाइट वा स्थानीय प्रशासनसँग सम्पर्क गर्न भनिएको छ ।

प्रकाशित : ३१ चैत २०८१, आइतबार 06:54