ग्यास पाइपलाइन विस्फोटमा १४५ घाइते, १९० घरमा क्षति

१९ चैत २०८१, मङ्गलबार

क्वालालम्पुर (एपी)– मलेसियाको राजधानी क्वालालम्पुर नजिकै रहेको सेलाङ्गोर राज्यको पुत्रा हाइट्स क्षेत्रमा मंगलबार बिहान ग्यास पाइपलाइन विस्फोट हुँदा तीन बालबालिका सहित १४५ जना घाइते भएका छन् । यो एक मलेसियाली बहुराष्ट्रिय तेल र ग्यास कम्पनि पेट्रोनासद्वारा सञ्चालित छ ।

६७ जनाको सरकारी अस्पतालहरूमा दोस्रो र तेस्रो डिग्रीको जलनको उपचार भइरहेको छ । ३७ जनाले निजी अस्पताल तथा क्लिनिकहरूमा उपचार गराएका छन् । विस्फोटमा १९० घर र १४८ गाडीहरूमा क्षति पुगेको छ ।

विस्फोटपछि उठेको आगोको लप्काले २० तले भवन बराबरको उचाइमा ज्वाला देखिएको थियो । यसबाट नजिकैको आवासीय क्षेत्र प्रभावित भयो । प्रधानमन्त्री अनवर इब्राहिमले प्रभावित क्षेत्रको भ्रमण गरी पीडितहरूलाई आर्थिक सहायता घोषणा गरेका छन् ।

सरकार तथा पेट्रोनासले क्षतिग्रस्त घरहरूको मर्मत गर्ने प्रतिबद्धता जनाएका छन् । यसमा केही महिना लाग्न सक्ने अनुमान गरिएको छ । अहिले विस्फोटको कारणबारे अनुसन्धान जारी छ । घटनास्थलको २ सय ९० मिटर वरपरको क्षेत्रलाई अस्थायी रूपमा बन्द गरिएको छ । यस घटनाले स्थानीयलाई ठूलो आघात पुर्याएको छ । कतिपयले घरको छत खसेको अनुभव गरेका छन् । अन्यले भूकम्प जस्तो कम्पन महसुस गरेका छन् ।

प्रकाशित : १९ चैत २०८१, मङ्गलबार 20:07