ढाका महोत्सवमा फेसन सो ‘ढाका रन्वे’ (तस्विरहरु)

द नेप्लिज संवाददाता

विराटनगर– नेपाल उद्योग वाणिज्य महासंघ कोशी महिला उद्यमी विकास समितिले आयोजना गरेको तीन दिने ढाका महोत्सवको अन्तिम दिन शनिबार विराटनगरस्थित जैन भवनमा फेसन सो ‘ढाका रन्वे’ प्रस्तुत गरिएको छ ।

ढाका कपडाको फेसन शोमा माया बुटिकको प्रस्तुति र नर श्रेष्ठको डिजाइनमा युवती र युवाहरुले प्रदर्शन गरेका थिए । श्रेष्ठको विभिन्न क्रिएटिभ र सिर्जना र्‍याम्पमा प्रस्तुत गरिएको हो । कोशी प्रदेशका महिलाहरुले हातले परम्परागत तानमा तयार पारेका ढाका कपडाको प्रबर्द्र्धनका लागि विभिन्न विविधतायुक्त ढाका कपडाका पहिरनहरु मात्रै प्रस्तुत गरिएको थियो । फेसन सोसँगै ढाका महोत्सव सम्पन्न भएको छ ।