कोशीको कार्यसम्पादन खस्किदो, झर्‍यो दोस्रो स्थानमा

२ फागुन २०८१, शुक्रबार

विराटनगर– कोशी प्रदेशको कार्यस्म्पादन खस्किदो अवस्थामा रहेको छ । राष्ट्रिय प्राकृतिक स्रोत तथा वित्त आयोगले सार्वजनिक गरेको प्रादेशिक कार्यसम्पादन मूल्यांकनमा कोशी प्रदेश दोस्रो स्थानमा झरेको छ । यसअघि कार्यसम्पादन मूल्यांकनमा कोशी पहिलो स्थानमा रहँदै आएको थियो ।

आयोगले गरेको कार्यसम्पादन मूल्याङ्कनमा सुदूरपश्चिम पहिलो र मधेस प्रदेश अन्तिम स्थानमा रहेको छ । यसअघि पाँचौं स्थानमा रहेको सुदूरपश्चिमले ५१.६ प्रतिशत अंक ल्याएर पहिलो स्थान सुरक्षित गरेको छ भने मधेस प्रदेश ३० अंक प्राप्त गर्दै अन्तिममा रहेको हो ।

आयोगले विनियोजित बजेट, त्यसको कार्यान्वयन, राजस्व सङ्कलनको लक्ष्य र प्रगतिलगायतका सूचकहरूका आधारमा मूल्याङ्कन गरी प्राप्त अंकको आधारमा श्रेणी निर्धारण गर्दै आएको छ । बागमतीले ४५.६ अंक ल्याएर तेस्रो, कर्णालीले ४१.६ अंकका साथ चौंथो, गण्डकीले ४०.८ अंक ल्याएर पाँचौं र ३०.९ अंकसहित लुम्बिनी प्रदेश छैठौंँ स्थानमा रहेको कार्यसम्पादन मूल्यांकन प्रतिवेदनमा उल्लेख छ ।

प्रकाशित : २ फागुन २०८१, शुक्रबार 21:01