अरनिको र ग्रिनल्याण्ड हिसान क्रिकेटको फाइनलमा

२७ फागुन २०८१, मङ्गलबार

विराटनगर । हिसान कोशीको आयोजना तथा हिसान मोरङको संयोजनमा विराटनगरमा भइरहेको प्रथम कोशी प्रदेशस्तरीय अन्तर क्रिकेट प्रतियोगिताको फाइनलमा अरनिको कलेज र ग्रिनल्याण्ड प्रवेश गरेको छ । यसअघि माघमा भएको हिसान क्रिकेटमा अरनिको र ग्रिनल्याण्डबिच भएको फाइनल खेलमा अरनिकोले उपाधि हात पारेको थियो ।

विराटनगरको वैजनाथपुर क्रिकेट मैदानमा मंगलबार भएको पहिलो सेमिफाइनल खेलमा हिसान मोरङ क्रिकेट विजेता विराटनगरको अरनिको कलेजले विर्तामोडको निदि कलेजलाई ६८ रनको फराकिलो अन्तरले पराजित गर्दै फाइनलमा प्रवेश गरेको छ । टस जितेर ब्याटिङ गरेको अरनिकोले निर्धारित १५ ओभरमा ५ विकेट गुमाई १ सय ३१ रन बनाएको थियो । अरनिकोको जितमा प्लेयर अफ द म्याच रुद्रप्रताप साहले अविजित ५० रन बनाउँदा सोनु साहले २९ रनको योगदान दिए । निदिका विशाल मगरले सर्वाधिक ४ विकेट लिए ।

१ सय ३२ रनको लक्ष्य पछ्याएको निदिले १५ ओभरमा सबैै विकेट गुमाई ६४ रनमा सिमित भयो । निदिका लागि विशाल मगरले सर्वाधिक १० रनको योगदान दिए । अरनिकोका अमन यादवले ३ विकेट लिँदा प्रकाश पासवानले २ विकेट लिए ।

दोस्रो सेमिफानल खेलमा ग्रिनल्याण्ड कलेजले इटहरीको विश्व आर्दश कलेजलाई १६ रनले पराजित गर्दै फाइनलमा प्रवेश गरेको छ । टस जितेर ब्याटिङ गरेको ग्रिनल्याण्डले निर्धारित २० ओभरमा ९ विकेट गुमाई ९७ रनको स्कोर बनाएको थियो । ग्रिनल्याण्डका क्रि चौधरीले २४ रन बनाउँदा अनिस सहनीले २३ रन बनाए । विश्व आर्दशका बलराम मण्डलले २ विकेट लिँदा सन्देश भण्डारी र आकाश सराफले पनि २–२ विकेट लिए ।

९८ रनको लक्ष्य पछ्याएको विश्व आर्दशले पुरै ओभर खेल्दै ९ विकेटको क्षतिमा ८१ रनमा सिमित भयो । विश्व आर्दशका आर्यन आमिरले सर्वाधिक २२ रनको योगदान दिए । ग्रिनल्याण्डका प्लेयर अफ द म्याच सुनिल यादवले ४ विकेट लिँदा अमित चौधरी र गनेश यादवले २–२ विकेट लिए ।

प्रकाशित : २७ फागुन २०८१, मङ्गलबार 16:47