अमेरिकी सेनाको टोली नेपालमा

द नेप्लिज संवाददाता

१० फागुन २०८१, शनिबार

विराटनगर- महाशिवरात्री सांगितिक उत्सवमा प्रस्तुति दिन अमेरिकी सेनाको ब्रास ब्याण्ड टोली शुक्रबार साँझ काठमाडौं आइपुगेको छ ।

कोरियाली हवाइ सेवाको उडान नम्बर केइ ६९५ मा सिओल हुँदै आएको १८ सदस्यीय टोली शनिबार, आइतबार र सोमबार उपत्यकामा आयोजना हुने कन्सर्टमा सामेल हुनेछन् ।

नेपाली सेनाका अनुसार महाशिवरात्री तथा सेनाको २६२ औं स्थापना दिवसकाे कार्यक्रममा अमेरिकी,बेलायती र भारतीय सैनिक टोली सहभागी हुँदैछन् ।

शनिबार दिउँसो बसन्तपुरमा, आइतबार पाटन दरबार क्षेत्र र सोमबार भक्तपुर दरबार क्षेत्रमा संयुक्त कन्सर्ट गरिँदै छ । अमेरिकी सेनाका ब्याण्ड कमाण्डर अलेक्जेण्डर डेभिसको नेतृत्वमा १८ सदस्यीय टोली आएको हो । टोली सदस्यहरुमा आरोन जोन्सन,निकोल डले,गुन्ही चो,एन्थोनी मार्टिनेज, डानियल फिन्च, जोन होण्ड्रिक्स, सिन इरभिन, जाकोब कोन्नर, रेनाल्डो सोरियानो, चाड डिकन छन् ।

इथान मिल्लर, ब्राड्ली ब्राउन, विल लाथ्रोप, सिउल र्यो, कोनार्ड अबोल्ट, जस्टिन मिलुस र चेज विन्डमुलर पनि यो टोलीमा छन् ।

प्रकाशित : १० फागुन २०८१, शनिबार 10:33