आरजु–जयशंकरबीच सीमावर्ती क्षेत्र बारे वार्ता

द नेप्लिज संवाददाता

५ फागुन २०८१, सोमबार

विराटनगर– परराष्ट्रमन्त्री आरजु राणा देउवाले ओमानको राजधानी मस्कटमा भारतीय विदेशमन्त्री एस.जयशंकरसँग भेट गरेकी छन् । आठौँ हिन्द महासागर सम्मेलनमा भारत, नेपाल, ब्रुनाइ, इरान, भूटान, बांगलादेश श्रीलंका लगायतका विभिन्न मुलुक सहभागि छन् ।

परराष्ट्रमन्त्री देउवाले सामाजिक सञ्जाल एक्समा भारतीय विदेशमन्त्रीसँगको भेट सुखद रहेको र सीमावर्ती क्षेत्र, व्यापार र विद्युतीय परियोजना लगायत विभिन्न मुद्दामा छलफल भएको भनेकी छन् । ‘नेपालको विकासमा भारतको निरन्तर सहयोगका लागि धन्यवाद दिएकी छु, नेपाल–भारत सम्बन्धलाई सबल राख्ने प्रतिवद्धता दोहो¥यायौँ,’उनले एक्समा लेखेकी छन् ।

देउवाले एक अन्र्तवार्तामा चीनको ‘बेल्ट एण्ड रोड,’ परियोजनालाई रणनीतिक गठबन्धनको रुपमा हेरिनु नहुने बताएकी छन् । कुनै पनि मुलुकसँग नेपालको रणनीतिक गठबन्धन नरहेको उनले प्रष्ट पारेकी छन् । उक्त परियोजनामा सयभन्दा बढी मुलुक सामेल छन् । चीनको यस परियोजनामा श्रीलंका, पाकिस्तान, म्यान्मार, बांगलादेश र अफगानिस्तानले मञ्जुरी दिएको छ ।

प्रकाशित : ५ फागुन २०८१, सोमबार 13:45