मापसे जाँचका लागि ब्रेथलाइजर हस्तान्तरण

द नेप्लिज संवाददाता

२६ फागुन २०८१, सोमबार

विराटनगर– विराटनगर वडा नम्बर ९ ले मादक पदार्थ सेवन(मापसे) जाँचका लागि ट्राफिक प्रहरीलाई ब्रेथलाइजर मेसिन सहयोग गरेको छ ।

प्रमुख जिल्ला अधिकारी इन्द्रदेव यादव र जिल्ला प्रहरी कार्यालयका प्रमुख एसपी नारायण चिमोरियाको उपस्थितिमा जिल्ला ट्राफिक प्रहरी कार्यालय मोरङका प्रमुख प्रहरी निरीक्षक राजन लम्साललाई मेयर नागेश कोइराला, उपमेयर शिल्पा निराला कार्की र उक्त वडाका वडाध्यक्ष विश्वनाथप्रसाद भगतले संयूक्त रुपमा ब्रेथलाइजर हस्तान्तरण गरेका छन् ।

मापसे गरेर सवारी साधन चलाएको अवस्थामा हुने दुर्घटनाको जोखिम न्यूनीकरणका लागि ब्रेथलाइजर मेसिनले सहयोग पुग्ने विश्वास लिएको वडाध्यक्ष भगतले बताए । ब्रेथलाइजर १ लाख ५० हजारको लागतमा खरिद गरी ट्राफिक प्रहरीलाई हस्तान्तरण गरिएको वडाध्यक्ष भगतले जानकारी दिए ।

प्रकाशित : २६ फागुन २०८१, सोमबार 17:11