तेक्वान्दो आत्मरक्षा तालिम सम्पन्न

द नेप्लिज संवाददाता

१३ वैशाख २०८२, शनिबार

विराटनगर- मोरङ जिल्ला तेक्वान्दो संघको आयोजना तथा कोशी प्रदेश (आइटिएफ) तेक्वान्दो संघको सह-आयोजनामा कोशी प्रदेश स्तरीय तेक्वान्दो आत्मरक्षा तालिम सम्पन्न भएको छ। विराटनगर स्थित शहिद रंगशालाको कभर्ड-हलमा शनिबार कोशी प्रदेशका ७ जिल्लाका तेक्वान्दो खेलाडीहरुको सहभागितामा एक दिने आत्मरक्षा तालिम सम्पन्न भएको हो।

नेपाल अन्तर्राष्ट्रिय तेक्वान्दो महासंघका अध्यक्ष प्रविणकुमार कार्कीले आत्मरक्षा तालिमको महत्वमा प्रकाश पार्दै तालिमले खेलाडीहरुलाई जिम्मेवार र समाजप्रति उत्तरदायी बन्न सहयोग पुर्याउने धारणा व्यक्त गरेका थिए । मोरङ जिल्ला खेलकुद समितिका अध्यक्ष सुरजबहादुर श्रेष्ठले तालिमले खेलाडीहरुको क्षमता अभिवृद्धि गर्ने तथा थप अनुशासित बनाउन मद्दत गर्ने बताए ।

तालिममा प्रदेशका ७ जिल्लाका २५ महिला र ८२ पुरुष गरेर १०७ जना खेलाडीको सहभागिता रहेको तेक्वान्दो संघ कोशीका कोषाध्यक्ष ओमकुमार श्रेष्ठले जानकारी दिए । तालिममा प्रशिक्षकद्वय नविन तामाङ्ग र राजेन्द्र धिमालले प्रशिक्षण दिएका थिए ।

प्रकाशित : १३ वैशाख २०८२, शनिबार 22:43