मुलुकमा ठूलो परिवर्तन आवश्यक छ : उपाध्यक्ष थापा

कांग्रेस सामनती र जसपा, राप्रपा, लोसपा, जनमतलगातका क्षेत्री दल अवसरवादी

द नेप्लिज संवाददाता

१७ फागुन २०८१, शनिबार

विराटनगर– नेकपा (एमाले)का उपाध्यक्ष रामबहादुर थापाले मुलुकमा ठूलो परिवर्त आवश्यक रहेको र त्यसको लागि एमालेलाई मुलुकको निर्णायक शक्ति बनाउनुको विकल्प नभएको बताएका छन् ।

एमाल मोरङको १० औं अधिवेशनलाई सम्बोधन गर्दै उपाध्यक्ष थापाले मुलुकमा रहेको राजनीतिक अस्थिरता, धनी र गरीवबीचको खाडलले देखिएको दरिद्रता, विभेद र अराजकताक अन्त्यका लागि ठूलो परिवर्तन आवश्यक रहेको बताएका हुन् । ‘संसारभरि राजनीतिक अस्थिरता र आर्थिक असमानताले थोरै व्यक्ति धनी र धेरै गरिव, विज्ञान र प्रविधिमा सिमित व्यक्तिको पहुँचले असमानताको खाडल बनेको छ,’ उनले भने, ‘संसारमा चरम अराजकता रहेकाले समाजिक, आर्थिक असमानताका लागि ठूलो परिवर्तन आवश्यक छ ।’

संसारभरि जसरी राजनीतिक अस्थिरता कायम रहेको छ त्यसरी नै नेपालमा पनि राजनीतिक द्वन्द्व कायम नै रहेको थापाको भनाइ थियो । उनले मुलुकमा मुठ्ठीभरिका केही व्यक्तिसँग समृद्धि र धेरै जनता दरिद्र रहेको औल्याए । त्यसैले मुलुकको ठूलो परिवर्त गरेर समाजवाद कायम गर्नु अपरिहार्य रहेको उनको भनाइ थियो । उनले सामनती दल कांग्रेस र अवसरवादी जसपा, राप्रपा, लोसपा, जनमतलगातका क्षेत्री दलबाट समाजवादी ल्याउन सम्भव नरहेको बताए ।

एमाले क्रान्तिकारी कम्यूनिष्ट पार्टी भएको र हामी क्रान्तिकारी रहेको दावी गर्दै उपाध्यक्ष थापाले भने, ‘मुलुकमा ठूलो परिवर्तन ल्याएर समाजवाद कार्यान्व्यन गर्नु आवश्यक छ र त्यसका लागि एमालेलाई मुलुकको निर्णयक शक्ति बनाउन पार्टीपंक्ति लाग्नु अपरिहार्य छ ।’

प्रकाशित : १७ फागुन २०८१, शनिबार 18:06